Fengum stórglæsilegan brúnskjóttan hest undan Hrund og Þristi frá Feti. Hann er rígmontinn og sperrtur og hefur hlotið nafnið Brynjar. Hann hreyfir sig einnig mjög fallega.

Hryssurnar halda áfram að kasta. Sjöfn kom með rauða hryssu undan Sigri frá Hólabaki. Það fer vel á með systkinunum undan Sveini-Hervari og Hvíta-Sunna fylgist með og bíður síns tíma, en hún ætti að kasta í júní.

Skoða fleiri myndir með frétt »

Í morgun kastaði Lyfting og kom með brúna hryssu. Var það kærkomið því komin voru þrjú hestfolöld, undan Heklu, Glóblesu og Gjöf. Faðirinn af öllum þessum folöldum er Sveinn-Hervar.
Skoða fleiri myndir með frétt »

Hún er svipmikil Hvíta-Sunna þar sem hún veltir fyrir sér fyrsta folaldi sumarsins hjá Sauðárkróks-Hestum.

Fyrsta folaldið er fætt. Rauðblesóttur hestur undan Sveini-Hervari og Heklu. Stórt og myndarlegt folald sem hefur hlotið nafnið Broddi.