Fórum á dögunum í viku hestaferð. Rúmlega 10 manns með 56 hross. Fórum úr Skagafirði og riðum víða um Húnavatnssýslur. Höfðum næturstað í sumarhúsunm að Stóru-Giljá allan tímann. Gott veður og góðar móttökur hvar sem við komum.Herdís í Grafarkoti var leiðsögumaður í Miðfirðinum og yfir Vatnsnesfjallið.Frábær ferð í góðum félagsskap og hrossin komin í hörkuform.
Skoða fleiri myndir með frétt »
HvítaSunna kastaði á dögunum móálóttri hryssu. Faðirinn er Sær frá Bakkakoti. Eigendur af folaldinu eru Sauðárkróks-Hestar og Sigurður V. Matthíasson. Folaldið hefur hlotið nafnið Sækatla. Meðfylgjandi eru þrjár myndir.
Guðmundur fór með Reyk frá Skefilsstöðum í sína fyrstu keppni í gær. Kepptu þeir í A flokk og urðu í öðru sæti með einkunnina 8.45. Góð byrjun hjá ungum og efnilegum hesti.
Tvær 5v. Hróðsdætur úr okkar ræktun fóru í 1v. í vor. Sara undan Sunnu fékk 8.08 og Hrísla undan Viðju fékk 8.35. Glæsilegar ungar hryssur og gaman þegar vel gengur.
Glymur fór í dóm á Hellu, sýnandi var Guðmundur Björgvinsson. Hann stóð sig mjög vel, fékk í aðaleinkunn 8.38. Tölt 9, brokk 9, stökk 9, vilji 9 og fegurð í reið 9.
