Vorum í sveitinni um helgina og tókum nokkrar myndir. Hér er Auður með hina veturgömlu Esju dóttur Þrists frá Feti og Heklu. Kná vill vera með en hún er fylfull við Þristi.

Mikil hrossasala hefur verið í haust og var þessi mynd tekin í vikunni af 6 folum frá okkur sem allir eru á leið til Þýskalands. Allt eru þetta efnilegir folar, mismikið tamdir. Vonandi reynast þeir nýjum eigendum vel en alltaf er  eftirsjá þegar hestar fæddir og uppaldir hjá okkur kveðja.

Það fer vel á með þeim Araba og Auði en Arabi er 1v. gamall, ógeltur undan Glym frá Sauðárkróki og Eldingu. Gullfallegur foli með góðar hreyfingar og frábært geðslag.
Skoða fleiri myndir með frétt »

Við erum aðeins byrjuð að eiga við hryssur á 4 vetur. Ein jarpskjótt Gleði undan Brjáni og Gjöf og þrjár hryssur undan Huginn frá Haga sem heita Arnkatla, Blædís og Ísold. Allt álitlegar hryssur.
Skoða fleiri myndir með frétt »

Í sumar keypti húsmóðirin á bænum vindskjótt merfolald. Folaldið er frá Val F. Jónssyni og er komið til okkar á Krókinn. Í ættum þeirrar  skjóttu eru t.d. Náttfari, Kolfinnur. Ófeigur frá Flugumýri og Galdur frá Sauðárkróki. Þetta er myndarlegt folald og liturinn góður.