Við fórum í gær og kíktum á ungu stóðhestana okkar. Þeir litu vel út og fylgir ein mynd með af Araba, f.Glymur skr m.Elding skr. Veðrið var mjög gott og birtan sérstök eins og meðfylgjandi myndir sýna. Myndirnar eru teknar við vesturós Héraðsvatna.
Skoða fleiri myndir með frétt »

Eins og við sögðum frá um daginn gerðum við veturgömlu tryppin bandvön í sumar. Ein af hryssunum í þeim hópi var Hvönn en hún er undan Viðju frá Sauðárkróki og Hágangi frá Narfastöðum. Það var skemmtilegt að vinna með hana, ör en fljót að læra. Falleg hryssa sem gaman verður að sjá hvernig þróast.

Síðustu tvær helgar höfum við verið í göngum. Veðrið var gott og gekk vel. Það er ofboðslega gaman að vera uppá fjöllum í góðu veðri og góðra vina hópi.
Skoða fleiri myndir með frétt »

Í byrjun júní voru veturgömlu tryppin gerð bandvön. Ein af þeim var Særún dóttir Hvítu-Sunnu og Aðals frá Nýja-Bæ, gullfalleg og sérlega faxprúð. Særún var fljót að læra og voru þessar myndir teknar þegar hún var búin að vera einn dag inni.
Skoða fleiri myndir með frétt »

Loksins eftir langt hlé erum við komin af stað með fréttaflutning. Svala hefur tekið að sér umsjón með síðunni og ætlar að koma reglulega með fréttir af starfinu. Þarna er Svala með höfðingjann Blæ 32 vetra á Miklahóli í sumar.