Guðmundur fór með Reyk frá Skefilsstöðum í sína fyrstu keppni í gær. Kepptu þeir í A flokk og urðu í öðru sæti með einkunnina 8.45. Góð byrjun hjá ungum og efnilegum hesti.

Tvær 5v. Hróðsdætur úr okkar ræktun fóru í 1v. í vor. Sara undan Sunnu fékk 8.08 og Hrísla undan Viðju fékk 8.35. Glæsilegar ungar hryssur og gaman þegar vel gengur.

Glymur fór í dóm á Hellu, sýnandi var Guðmundur Björgvinsson. Hann stóð sig mjög vel, fékk í aðaleinkunn 8.38. Tölt 9, brokk 9, stökk 9, vilji 9 og fegurð í reið 9.

Hryssurnar eru nú hver af annari að kasta. Folöldin eru m.a. undan Adam frá Ásmundastöðum, Samber frá Ásbrú, Þristi frá Feti, Glym frá Sauðárkróki, Álfi frá Selfossi, Baug frá Víðinesi og Hnokka frá Þúfum. Meðfylgjandi er mynd af brúnhöttóttum blesóttum hesti undan Kná frá Varmalæk og Álfi frá Selfossi.

Sóttum stóðhestinn Ál frá Sauðárkróki til Líneyjar á Tunguhálsi í dag. Hann var taminn í 2 mánuði og lofar góðu. Áll er undan Óði frá Brún og Viðju frá Sauðárkróki