Það var „skagfirsk sveifla” hjá Sigga og Kná á Landsmótinu í sumar.

Fyrir nokkrum dögum bættist í tryppahóp okkar álitleg hryssa. Keyptum við af Jóa og Sollu 2v. bleikálótta hryssu Drangey frá Miðsitju. Drangey er undan Kötlu frá Miðsitju og Brjáni okkar. Hryssan er bráðfalleg og hreyfir sig vel.

Nokkrar 3v. hryssur eru komnar inn og er Guðmundur að byrja að temja þær. Á myndinni er hryssan Verðandi, rauð undan Lyftingu og Brjáni frá Reykjavík. Álítleg hryssa sem lyftir mikið.

Þessi 3v. hryssa heitir Kómeta og er undan Hervu og Kolfinni frá Kjarnholtum. Þetta er síðasta afkvæmi Hervu en það þekktasta er stóðhesturinn Hilmir. Það verður spennandi að fylgjast með Kómetu því mikil hæfileikahross standa að henni.

Guðmundur Peng Sveinsson sem er eins og hálfs árs gamall eignaðist sitt fyrsta hross í sumar. Fékk hann að gjöf brúnskjótta hryssu undan Þristi frá Feti og Hettu. Guðmundi virðist kyppa í kinið því hann er sjúkur í hross.