Vorum að setja inn hryssu í dálkinn ræktunarhryssur. Það er Spegilsdóttirin Elding sem er í miklu uppáhaldi hjá Guðmundi. Flugviljug með úrvals tölt. Elding hefur eignast tvö afkvæmi, 2v. hryssu undan Fursta frá Stóra-Hofi og 1v. hest undan Glym frá Sauðárkróki. Elding er núna fyfull við Trostan frá frá Auðholtshjáleigu.
Um helgar fær Guðmundur oft aðstoð frá nafna sínum við hin ýmsu störf. Á laugardaginn voru þeir nafnar að gefa hryssunum og stóðhestunum og notaði sá litli tækifærið og brá sér á bak á Venusi og Kjarval. Einnig var farið í frumtamningar og sest í fyrsta skipti á einn 3. vetra undan Þristi frá Feti. Í lokin var síðan litið við í fjárhúsunum og skoðuð nýfædd lömb.
Hægt er að skoða fleiri myndir hér.
Það var vetrarlegt á Króknum í dag. Héla frá Sauðárkróki, dóttir Faxa frá Hóli fellur vel inn í vetrarríkið.
Birkir frá Sauðárkróki er 6v. geldingur sem er í þjálfun hjá Guðmundi. Birkir er sammæðra hinum þekkta Sólon frá Sauðárkróki sem er í eigu Vildimars Bergstað. Faðir Birkis er Hilmir frá Sauðárkróki. Eigandi og ræktandi er Sigmundur Skúlason.
Skoða fleiri myndir með frétt »
Þegar veðrið er gott er mikið tamið. Á myndinni er Guðmundur á stóðhesti á fjórða vetri sem ber nafnið Siríus. Hann er undan Lyftingu og Adam frá Ásmundarstöðum.
