Kominn tími til að setja eitthvað hér inn. Í óveðrinu sem nú gengur yfir er rétt að hverfa aftur til síðasta sumars og birta mynd af Filmu Sambersdóttur.

Sauðárkróks-Hestar senda bestu jóla og áramótakveðjur til allra hestamanna. Mynd: Elding og Arabi Glymssonur.

Tvær hryssur í okkar eigu voru í frumtamningu á Hólum í haust. Þær eru Röskva frá Sauðárkróki Adamsdóttir sem Heimir Guðmundsson situr og Drangey frá Miðsitju Brjánsdóttir sem Sonja Líndal situr. Hryssurnar komu vel tamdar frá Hólum og gaman verður að halda áfram með þær í vetur.

Kíktum á folaldshryssurnar um helgina. Tókum nokkrar myndir af folöldunum sem þroskast vel. Þarna má meðal annars sjá rauðskjótta hryssu undan Baug frá Víðinesi, brúnskjóttan hest undan Álfi frá Selfossi, skjóttan hest undan Hnokka frá Þúfum, rauðblesóttan hest undan Glym frá Sauðárkróki og brúnskjótta hryssu undan Samber frá Asbrú.
Skoða fleiri myndir með frétt »

Fórum um síðustu helgi ríðandi í Kolbeinsdalinn og í Laufskálarétt. Veðrið var frábært, mikið af fólki og góð stemmning. Um kvöldið var farið á ball í reiðhöllina Svaðastaði. Mjög skemmtileg helgi í alla staði.
Skoða fleiri myndir með frétt »