Júlímánuður heilsaði vel í Skagafirðinum, og skartaði fjörðurinn sínu fegursta um kvöldið.

Nokkrar af hryssum okkar eru nú hjá ungfolanum Hætti frá Þúfum.Háttur er í eigu Mette Mannseth og er undan Lygnu frá Stangarholti og Eið frá Oddhól.

Hin farsæla kynbótahryssa Sunna, með rauðstjörnótt hestfolald undan Arði frá Brautarholti. Glæsilegt folald sem hefur hlotið nafnið Mjölnir.

Nokkur folöld eru fædd á búinu, og er faðir þeirra flestra stóðhesturinn Huginn frá Haga.

Fjögura vetra stóðhesturinn Glymur undan Gnótt og Loga frá Skarði var myndaður í morgun áður en dregið var undan honum.Glymur er virkilega spennandi stóðhestur aðeins þriggja mánaða taminn.