Hvíta-Sunna elti Sæ frá Bakkakoti suður eftir landsmót og er komin á Krókinn fylfull.

Seinni partinn í sumar fórum við með tvær hryssur til Galsa þær Sunnu og Urði. Hvorug þeirra fyljaðist og er það mikill skaði því þetta eru úrvals hryssur. Við erum nú búin að fara 5 sinnum með hryssur undir Galsa og ekki enn fengið folald.

Hryssurnar Hvíta-Sunna og Kná eru báðar á leið á Landsmót . Hvíta-Sunna í elsta flokk hryssna en Kná í 5v.flokkinn. Á myndinni eru þær vinkonurnar að safna kröftum fyrir átökin.

Abel er kominn heim, eftir að hafa verið með hryssum í sumar. Hann lítur mjög vel út og verður frumtaminn fljótlega.

Anna Lóa Guðmundsdóttir og Þyrill frá Hólkoti sigruðu unglingaflokkinn á opnu gæðingamóti á Sauðárkróki sem fór fram helgina 20-21. ágúst. Þau hlutu einkunina 8,63