Nokkrar 3v. hryssur eru komnar inn og er Guðmundur að byrja að temja þær. Á myndinni er hryssan Verðandi, rauð undan Lyftingu og Brjáni frá Reykjavík. Álítleg hryssa sem lyftir mikið.

Þessi 3v. hryssa heitir Kómeta og er undan Hervu og Kolfinni frá Kjarnholtum. Þetta er síðasta afkvæmi Hervu en það þekktasta er stóðhesturinn Hilmir. Það verður spennandi að fylgjast með Kómetu því mikil hæfileikahross standa að henni.

Guðmundur Peng Sveinsson sem er eins og hálfs árs gamall eignaðist sitt fyrsta hross í sumar. Fékk hann að gjöf brúnskjótta hryssu undan Þristi frá Feti og Hettu. Guðmundi virðist kyppa í kinið því hann er sjúkur í hross.

Hryssan Kná sem var í 5v. flokknum á landsmótinu í sumar er komin heim í hausthagana eftir dvöl hjá stóðhestinum Álfi frá Selfossi. Er hún fylfull og verður gaman sjá afkvæmi þeirra næsta sumar. Á myndinni má sjá Auði með Kná þegar hryssunni var sleppt. Kná er undan heiðursverðlaunahryssunni Kolbrúnu frá Sauðárkróki og Smára frá Skagaströnd.

Hvíta-Sunna elti Sæ frá Bakkakoti suður eftir landsmót og er komin á Krókinn fylfull.