Sauðárkróks-Hestar » Fréttir

Þjálfun á nýju ári

Sauðárkróks-Hestar — Sun, 15 Jan 2012 21:16:12 +0000

Nú erum við að skríða af stað með þjálfun á nýju ári. Nokkur hross eru komun á járn og önnur bíða járningar.

Guðmundur var á heimleið á Arðsyninum Mjölni þegar þessum myndum var smellt af þeim félögum. Mjölnir er stöðugt að bæta sig og er að verða býsna eftirtektarverður.

Gleðileg jól

Sauðárkróks-Hestar — Tue, 27 Dec 2011 14:18:26 +0000

Haust

Sauðárkróks-Hestar — Thu, 15 Sep 2011 18:00:26 +0000

Þá er komið haust og frekar rólegt í hestamennskunni. Tamningartryppin komin í kærkomið frí. Hryssurnar sem hafa verið hjá stóðhestum eru að skila sér heim. Stóðhestarnir Hvítserkur og Dagfari eru komnir heim og hafa það gott í kafgrasi. Dagfari var með 15 hryssum og voru þær allar fengnar. Hvítserkur var með rúmlega 30 hryssum og var um 90% fyljun.

Dagfari

Sauðárkróks-Hestar — Wed, 22 Jun 2011 16:29:25 +0000

Dagfari er tveggja vetra stóðhestur undan Hvítu-Sunnu og Hróðri. Hann er heldur betur flottur á litinn, stór og hreyfingafallegur. Dagfari er í hólfi á Njálsstöðum hjá Stefáni bónda og smið og eru hjá honum 15 hryssur. Áður var hann búinn að vera með 4 hryssum á Hólum í Hjaltadal.

Hvítserkur

Sauðárkróks-Hestar — Tue, 21 Jun 2011 13:05:48 +0000

Hvítserkur hefur verið í þjálfun í vetur hjá Gísla og Mette í Þúfum. Stefnt var með hann í dóm núna í vor en áverki á hóf varð til þess að ákveðið var að bíða með sýningu í ár. Við erum hins vegar mjög ánægð með klárinn og sáum hann í reið þegar við sóttum hann. Honum var svo sleppt í hryssur í gær á Ytra-Skörðugili og er fullt undir hann. Meðfylgjandi myndir voru teknar þegar við sóttum hann og þegar honum var sleppt.

Folöld

Sauðárkróks-Hestar — Sun, 22 May 2011 23:07:40 +0000

Það eru komin tvö folöld hjá okkur. Venus og Kná köstuðu sama daginn. Venus kom með skjótta hryssu undan Sveip frá Hólum og Kná kom með jarpblesóttann hest undan Glym frá Innri-Skeljabrekku. Falleg folöld og von á fleirum næstu daga.

Askja

Sauðárkróks-Hestar — Sun, 08 May 2011 23:56:34 +0000

Askja er 4 v. hryssa undan Venusi og Samber frá Ásbrú. Falleg hryssa, sennilega klárhryssa sem er að stíga sín fyrstu töltspor þessa dagana. Það er gaman að temja þessa hryssu hún er geðgóð og hreyfingafalleg. Spenandi hryssa.

Ungar hryssur

Sauðárkróks-Hestar — Mon, 28 Mar 2011 23:49:24 +0000

Tókum þessar myndir af hryssunum Skuld og Paradís. Þær eru báðar á 5 vetur, Skuld undan Lyftingu og Hætti frá Þúfum og Paradís undan Hettu og Þristi frá Feti. Þetta eru eru efnilegar hryssur sem gaman er að vinna með.

Birkir

Sauðárkróks-Hestar — Sun, 13 Mar 2011 12:26:18 +0000

Það var bjart og fallegt veður í Skagafirði í dag. Erum nýbúin að fá til okkar Birki frá Sauðárkróki sem var í tamningu og þjálfun hjá okkur fyrir nokkrum árum. Svala lagði á hann í dag og þá voru þessar myndir teknar. Birkir er 9 vetra undan Hilmi frá Sauðárkróki og Blesu frá Sauðárkróki og er í eigu Sigmundar Skúlasonar.

Hvítserkur

Sauðárkróks-Hestar — Sun, 20 Feb 2011 21:12:43 +0000

Hvítserkur undan Kná og Álfi er stóðhestur í okkar eigu sem verður 4 vetra í vor. Fengum þessa mynd senda af honum en hann er búinn að vera einn mánuð í þjálfun hjá Gísla og Mette í Þúfum. Hann lofar mjög góðu, hreyfingamikill og frábært geðslag.