Alltaf er það svo að maður bindur meiri vonir við sum tryppi en önnur. Arabi er stóðhestur sem verður 3v nú í vor. Við höfum alltaf haft mikla trú á honum. Hann er glæsilegur hestur, hreyfingafallegur og með gott geðslag. Síðan leiðir tíminn í ljós hvort Arabi stendur undir væntingum. Hann er undan Glym og Eldingu frá Sauðárkróki. (meira …)
Það var frábært veður í dag og mikið riðið út! Myndavélin var tekin fram og nokkrar vetrarmyndir teknar. Á myndunum eru Héla Faxadóttir og Höfði undan Brjáni Rvk.
Í dag var öllum tamningarhrossunum gefið frí og sleppt út á tún. Voru þau úti fram í myrkur og voru hressileg þegar þau komu inn í kvöldgjöfina. Teljum við þetta nauðsynlega daga inn á milli. Guðmundur Peng 4 ára var sko ekki á því að gefa Spegli frí og tók klukkutíma þjálfun í gerðinu. (meira …)
Núna í desember höfum við verið að taka inn hross og er allt að komast á fullt. Í haust hafa verið frumtamdar nokkrar hryssur á 4.vetur og eru þar á ferðinni skemmtileg tryppi. Með fréttinni fylgja myndir af Skuld undan Hætti frá Þúfum og Lyftingu og Paradís undan Þristi frá Feti og Hettu.
Loksins eru allar hryssurnar að skila sér heim sem voru hjá stóðhestum í sumar. Vel gekk að að fá fyl í þær og aðeins ein sem hélt ekki,Venus 21v. Stóðhestarnir sem við notuðum voru; Arnoddur Auðsholtshjáleigu, Grettir Grafarkoti, Hvítserkur Sauðárkróki, Krákur Blesastöðum, Moli Skriðu, Orri Þúfu, Óskasteinn Íbishóli, Roði Garði, Roði Múla og Þristur Feti. Eins og alltaf hlökkum við til að sjá hvað fæðist að ári. Á meðfylgjandi mynd er Jarlhetta, en hún er þegar þetta er skrifað á leiðinni heim frá Þúfu þar sem hún var hjá höfðingjanum Orra.
