Hvíta-Sunna kastaði sl. föstudag. Leirljós blesóttur sokkóttur hestur kom í heiminn. Faðirinn Hróður frá Refsstöðum. Þetta er fyrsta hestfolald Hvíta-Sunnu en hún hefur gefið okkur þrjár hryssur. Þau mæðgin dvöldu ekki lengi á Króknum heldur fóru suður yfir heiðar þar sem Hvíta-Sunna mun hitta Krák frá Blesastöðum. Þeim litla hefur ekki enn verið gefið nafn.
Skoða fleiri myndir með frétt »

Þegar Auður ætlaði að líta á nýkastað folald sitt undan Hetju og Ískristal kom Hekla hlaupandi á móti henni. Var auðséð á Heklu að eitthvað var að. Þegar Auður steig útúr bílnum tók Hekla á rás og hljóp beinustu leið inní hús og beið Auðar með hausinn útum dyrnar. Það kom í ljós að hún gat ekki komið frá sér risastóru folaldi og þurfti hjálp. Kallað var á dýralækni og tókst að draga folaldið út og sem betur fer var það lifandi. Svartur hestur undan Gammi frá Steinnesi.
Skoða fleiri myndir með frétt »

Hér koma skemmtilegar myndir af henni Hetju okkar sem kastaði á dögunum. Þetta er hryssa undan Ískristal frá Sauðárkróki (Huginssyni).
Skoða fleiri myndir með frétt »

Fyrsta folaldið á bænum er komið í heiminn. Það var Kná sem kastaði jarpri hryssu undan Þristi frá Feti. Við erum ánægð með þá litlu sem flýgur um á léttstígu tölti. Sú stutta hefur hlotið nafnið Hvöt.
Skoða fleiri myndir með frétt »

Það er gaman að fylgjast með tryppunum vaxa og dafna milli ára. Alltaf eru bundnar meiri vonir við ein heldur en önnur. Þessi hefur alltaf verið í uppáhaldi. Hún heitir Skuld og er undan Lyftingu og Hætti frá Þúfum. Skuld verður tamin í haust og gaman verður að sjá hvernig úr ræti.